Nýtt stjörnukort

Nú þegar nýja ríkisstjórnin er orðin að veruleika er hægt að gera varanlegt stjörnukort hennar, sem miðast við kl. 14:00 í dag í Reykjavík og fylgir hér. Tunglið fór í Meyjuna, svo að einhver jarðtenging varð úr þessu. Rísandi Meyja á móti Úranus í Fiskum bætir þó enn í togstreituna. Velferðarmál verða stöðugt í umræðunni og vel farið ofan í saumana á þeim. Annars gildir flest sem sagt var um fyrra stjörnukortið, þegar stjórnin var í mótun.

Stjörnuspeki á mbl.is (ótengt Fiskinum) er með sína útgáfu af þessari stjórn: http://www.mbl.is/mm/stjornuspeki/?grein_id=6837

Við skulum aftur á móti skoða framvindukort ríkisstjórnarinnar. Nokkur spenna myndast strax um mánaðamótin júní/júlí, þegar raunsæi Satúrnusar fer í andstöðu við draumaland Neptúnusar, eða þoka læðist yfir landslagið, þannig að ekkert verður skýrt. Þó virðast plönin vera í lagi í ágúst, en í september og október fer andstaðan að magnast. Þá er eins og athafnafólkið og skriffinarnir séu í reiptogi. En aðgerðirnar verða í nóvember og valdið sýnt í desember.

Utanaðkomandi áhrif, ss. fjármálabreytingar í heiminum eða náttúruhamfarir virðast geta haft áhrif á seinni hluta ársins, frá ágústmánuði. Þá þarf að skoða t.d. framvindukort Íslands, sem fylgir hér til gamans.

Ný ríkisstjórn tekin við völdum - lagt á djúpið í herrans nafni